كِذا و أكثَر

..

بـ العامي كذا ..

أبي ارجع أكتب ، احس ، أبتسم مثل قبل !

طفشت و أنا امسك قلم أو افتح رساله جديده و احاول أنفسّ عن اللي بخاطريّ شوُي

و يطلع كلااام مدري وش يبي ، كذا كلمات مالها دخل ببعض :(

حتى روري لاحظت هالشيء و قالت لي كتاباتك موب زي أول ، آآح حسيتها توجع !

يمكن لأني من زمااان ماقريت شي أحبه ..

مافيه إلا دوخة الدراسه و حروف انقليزيه تتنطط بـ راسي كل ما حطيت راسي ع المخده ><

متى يجي الإلهااام ؟

و أنا راجعه من الجامعه بالسياره ، فجأه يطلع الـ كبت اللي أحس فيه بـ جملة أو بيت ع الطاير

لكن وينك يالذاكرَه ! أتعاجز اكتبه بالجوال و أقول بتذكره بس أوصل

و لما أوصل .. بح يطير !

و اللي يقهر ، أشياء كثيره تجي فـ بالي كـ تصميم أو فكرة موضوع و كذا

و أقول بس أفضى بـ أروق عليها و " أرتسكها " بسسس وينك يالفضاوّه !

من إقزام لـ كويز لـ هووم وورك ( أرحمني انا وقسمي اللي بتخرج منه و أنا موب راضيه عليه )

و بس أفرفر بالمنتديات ، أحصل ناس قالوا نفس الكلام اللي بقوله سواء بـ صورة أو مقال ، أغبطهم ="(

                      

أشياء كثير مؤجلة ..

من سنه و أنا اقول ابي أطوّر نفسي بمهارات الكتابه الانقليزيه < تشوفون وش طول الجمله ماعرفت أعبر ! :(

و أبي افصل نظارات طبيه ، العدسات لعبت بـ عيوُني ><

و لي شهرين محتاره بين الـ آيفون و الساتيو .. لين صرت أهوجس و اقول أبي ( أيسوُن = ايفون + ساتيوُ ) ><

أوف وش بعد !

أروّح أخمد أحسن =(

غمضوا عيوُنكم إذا ماعرفتوُني هِنا !

.