- على ذكر الجنوُن ..،

..

سنيني آه لو تدري عنك
سنين الضيم فـ ماضي كان ..
و حاضري انتَ سنيني !
تغيب شوّي لو عذرك سميّن
و خاطري شلته بيدينيّ ..
أبد ما أرخصك لكن ،
اشوف عيونهم على رجوعك تساومني
تغيب شوي ..
و لين شوي
أصير أكثر تعب و أغلى دمع
عينك لاتشوفه !
حشا لاتبكي عيونك من عيوني
و أنا ..
و عيوُنك هنا
سما هالكون ياعيوُنك ..
يصير الحزن ، عادي
بس غيابك لو شوي
هوّ اللي ماهو عاديّ ..!

 

.

أنا أدري وش كثر هالدمع بعيوُنها جذاب
و يصير أعذب وهو سحابة صيف أبت تمطر !

تهل قطر النَدى ماتخلي بأهل العقول ألبابْ
تجي كلك من خَطى غيابك تحاول .. بس تتكسّر

ولاتدري بأن الدمع يرافقها .. صاحبٍ كذاب
تجر يديّه تبي منك ، خطاوي الشوق تتفجرّ ..

جنون أدري وعلى ذكر الجنون ماشبعت غياب !
ذنوب الدمع برقبتك .. متى بس ناوي تكفّر ..؟!

متى شوفك و متى قلبك من الغياب يهابْ ؟
تجيني اليوم أو باكر تجي لا تقول لي ما اقدر!

 

.